ES | EU
Gobierno Vasco

Bisita itzazu elektrizitate eta elektronika alorgunearen instalazio berriak

  • 2013-09-23 |

imagen de las instalaciones

EASO Politeknikoko Elektrizitate departamentuak instalazio berriak estreinatu ditu eta asteazkenean, irailak 25, bisitatzeko aukera duzu.

 

EASO Politeknikoko laugarren solairuan urte luzetan egon ondoren, 2013-2014 ikasturteak berrikuntza atsegin ba dakarkigu, departamentuko instalazio guztien aldaketa eta 3. solairura trasladatzea. Solairu hori, Hezkuntza Sailak zituen konpromisoak zirela-eta, ekainera arte okupatuta egon denez, ezin izan ditugu traslado-lanak ekainaren erdialdera arte hasi baina azkenean hemen gaude.

Udara honetan, zentroko zuzendaritzak zein departamentuko irakasleok gogotik egin dugu lan, oporrei ia-ia uko eginez baina azkenean helburua lortu dugu: 2013-2014 ikasturtea instalazio berrietan hastea.

Jarraitzen du...

Lana latza izan da eta hemendik denon ahalegina eskertu nahiko genuke:

  • Eskerrak irakasleei, beren oporreei uko eginez, hor egon direlako udaran materialak garraiatzen, makineria konpontzen eta instalatzen (robotak, instalazio domotikoak, makinak…) oso epe motzean.
  • Departamentuko irakasle-ohiei, erretiroa hartuta daudenak edo pentsionistak izan arren, berea den zerbaitetan onginahi hutsez laguntzera etorri direlako zentrora.
  • Zuzendaritzari, egitasmo hau errealitate bat izan dadin egindako ahalegin pertsonala eta ekonomikoagatik.
  • Zentroko pertsonalari, garbitzaileei (lan latza beraiena, besteok zikindu edo puskatzen duguna garbitzen eta konpontzen) , atezainei, beren lanagatik,...eta oro har zentroko ekipo osoari.

Gaur egun ia hirugarren solairu guztia okupatzen dugu eta laugarrenaren parte bat ere bai. Instalazio berrietan momentu hauetan honako hauek ematen ari dira:

  • Goi Mailako zikloak A eta D ereduak
  • Erdi Mailako zikloak A eta D ereduak
  • Eskaintza Partziala
  • Hobetuz-eko ikastaroak
  • Lanbide-ko ikastaroak

Instalazio berri hauek -ziurtason osoz -onuragarriak izango dira eta oso lagungarriak Lanbide Heziketak dituen erronkak gainditzen: etengabeko hobekuntza, dinamikoa, modernoa eta eraginkorra.

Elektrizitate departamentutik nahi duten guztiei gonbitea luzatzen diegu (etorkizuneko ikasleei, gurasoei eta orohar irakasleei) instalazio berriak ikustera etor daitezen; horretarako, nahikoa da departamentuko arduradunekin harremanetan jartzea eta beraiek gusto handiz erakutsiko dizkizuete instalazioak, helburuak, berrikuntzak... eta abar

Zorionak

© EASO Politeknikoa
Telefonoa: 943455422 | idazkaria@easo.eus