ES | EU
Gobierno Vasco

Twitter Aurkezpenak SlideShare-n linkedIN  Irudiak Flickr-en RSS icon Youtube kanala

Taula berrien aurkezpena arotzeria eta altzarigintzako ikasleei

2018-10-23

partehartzaileen argazkia
FINSA enpresako ordezkaria izan da, David Angulo jauna, arotzeria eta altzarigintzako ikasle guztiei euren produktuak aurkezten. Enpresa honek taula aglomeratuak eta MDFkoak egitek ditu. Ohiko materialak erakusteaz gain, erakusgai fisikoen bidez enpresaren produktu berriak aurkeztu ditu.

STEM/STEAM eta Euskalit-en astea EASO Politeknikoan

2018-10-15


Donostiako Easo Politeknikoak, Euskalitek antolatutako 24. Kudeaketa Aurreratuaren Europar Astearen baitan, “STEM/STEAM norabidea” izenburua duen jardunaldia antolatu du. Hau urriaren 26an burutuko da ikastetxeko areto nagusian (10:00 - 12:00).

Aurtengo ekainean, Hezkuntza Sailak STEAM Euskadi estrategia aurkeztu zuen. Jardunaldi honetan, estrategiaren nondik-norakoa ezagutu ondoren bere bi azpi-helbururi helduko diegu: genero ikuspegia eta hezkuntza maila ezberdinen arteko harremanak, hain zuzen ere, STEAM Euskadi Estrategiako L2 (Hezkuntza etapa desberdinen arteko lotura hobetzea LH, DBH, Batxilergoa, LH eta Unibertsitatea) eta L7 (STEM eremuan emakumezko ikasleen artean bokazioak eragiteko ekintza bereziak sortzea) azpi-helburuak.

Parte-hartzaileak ondokoak izango dira:

  • *Adolfo Morais (Eusko Jaurlaritzako Unibertsitate eta Ikerketa sailburuordea eta Estrategiaren koordinatzailea) 
  • *Mª Luz Guenaga Gómez (Deusto LearningLab taldeko arduraduna - Ingeniaritza Fakultatea - Deustuko Unibertsitatea)
  • *Auritze Etxezarreta Olano (Don Bosco LHII. Errenteria) 
  • *Koldo Olaskoaga Arrate (EASO Politeknikoa LHII. Donostia eta Scientix enbajadorea) 
  • *eta Koro Alkiza Berroeta (Anatomia Patologiko eta Zitodiagnosia zikloko alorburua Easo Politeknikoa LHIIn eta Inspira STEAMeko mentorea)

Izena emateko formularioa (izen-ematea doakoa da)

XXIV. Europar Astearen webgunea

Programazio laburra

Ingurumen hezkuntza eta kontroleko ikasleak oreinak behatzen

2018-10-08

Oreina zelai baten erdian
Udazkenean, ugalketa sasoia dela eta marrualdia egiten dute oreinek. Gure lurraldeko naturaren gertaera ikusgarrienetakoa da. Ingurumen Hezkuntza eta Kontrola zikloko ikasleek bi eguneko irteera egin dute Gorbeako Natur Parkera. Bertan hegaztiak eraztuntze teknikak gertutik ezagutu, Gorbeia gailurrera igo eta egunsentian oreinen marrualdiaz gozatzeko aukera izan dute.

Eraikuntzako ikasleak inguruko lanen azterketa teknikoa egiten

2018-09-25

Foto del grupo observando el estadio
Aurreko asteazkenean Eraikuntza Proiektuak zikloko bigarren mailako ikasleak eskola inguruan burutzen ari diren eraikuntza lanen azterketa egitera atera ziren. Bertan Anoetako estalkiaren egitura berria aztertu zuten besteak beste.

Zurgintza eta altzarigintzako ikasle bat ijitoen elkarteak saritua

2018-06-27

Jose Ramón sari banaketa ekitaldian

Jose Ramón Jiménez (Montxo) ikasleak, erdi mailako zurgintza eta altzarigintza ziklokoa, Kale dor Kayikó elkarteak ijito arrazako ikaslerik onenari emandako saria jaso zuen ekainaren 20an. Elkarte honek urtero goi-mailako ikasketak bukatzen dituzten gazteak saritzen ditu, ijitoen komunitateari bidea zabaltzearren.

Sari-ematea Donostiako Heziketa fakultatean (UPV/EHU) egin zen. Bertan, besteak beste, departamentuko irakasleak eta Donostiako alkatea eta Enplegu eta Gizarte politiketako sailburua bezalako pertsona ospetsuak izan ziren.

Sarrera irakasleentzat

Sarrera ikasleentzat

© EASO Politeknikoa
Telefonoa: 943455422 | idazkaria@easo.eus