ES | EU
Gobierno Vasco

Twitter Aurkezpenak SlideShare-n linkedIN  Irudiak Flickr-en RSS icon Youtube kanala

Ate irekien jardunaldia EASO Politeknikoan maiatzaren 30ean

2018-05-14

Institutuaren fatxadaren irudia

Maiatzaren 30ean ate irekien jardunaldia ospatuko dugu Easo Politeknikoan.

Jardunaldia 3. pisuko areto nagusian egingo diren aurkezpen orokorrarekin hasiko da. Bi saiotan banatzen da: 15:30ean eta 16:30ean. Gero, bakoitzak ezagutu nahi dituen zikloen arabera, jendea departamentuek egingo dituzten aurkezpen espezifikoetara bideratuko da.

Egun horretan etorri ezin duenak, informazioa jasotzeko aukera izango du 943 455422 telefonora deituz,  edo ondoko helbide idatziz: idazkaria@easo.eus idatziz.

Zurgintza eta Kimikako ikasleak Xey-n bisitan

  • 2013-04-22 |

ikasleen taldeko argazkia

Ingurumen Kimika eta Zurgintza eta Altzarigintza goi mailako zikloetako ikasleek Zumaiako Xey enpresa bisitatu dute.

Zurgintza eta Altzarigintzako ikasleei bertan sukalde altzarien fabrikazio prozesua erakutsi zaie eta erakusketan produktu bukatua ikusteko aukera izan dute. Halaber, Ingurumen Kimikako ikasleek produkzio kate horretan ingurumenarekin zerikusia duten alderdi guztiak nola kudeatzen diren ikusteko aukera izan dute.

Marta Fernandez, "Kaikua inspirazio iturri" lehiaketa irabazi

2013-04-16

Marta fernandez pieza irabazlearekin

Kaiku baten forman oinarritutako zilarrezko lepoko bat izan zen Marta Fernandezek, EASO Politeknikoko Bitxigintzako irakasleak, “Kaiku inspirazio iturri” lehiaketara aurkeztutako pieza, Errenterian, Artiola elkarteak antolatutako artisautza eta berrikuntza jardunaldietan.


Pieza horrekin, Marta Fernandezek, kaikuak gorputzaren gainean jarrita duen leuntasunetik abiatuta, honek adierazten duen armonia irudikatu nahi izan du. Kaikuaren forma sintetizatu nahi izan du, honen espiritua errespetatuz. Bere helburua objektu berritzaile bat egitea izan da, kaikuan oinarritua eta merkatuan jartzeko asmoz. Horretarako, lehenbizi jatorrizko piezaren dokumentazio historikoa lortu zuen eta gero, informazio horrekin eta tresna digitalak erabiliz, aurkeztutako modeloa burutu zuen.

Epaimahaia honako hauek osatu zuten: Edorta Kortadi artean aditua, Txema Gacia Amiano komisarioa, Titty Thusbher diseinatzailea eta Fermin Leizaola etnografoa. Martak aurkeztutako lana denetatik onena zela aho batez erabaki zuten. Zorionak Marta!

Kirol-sustapeneko 1. mailako ikasleak Uretako Benjamin Jaialdiko antolakuntzan

2013-03-24

piszinakko argazkiak umeak ekitaldei bitartean

Aste Santuko oporrak egun bat beranduago hasi dira Kirol-Zikloko euskarazko ikasle hauentzat: Donostiako Zuhaizti kiroldegian eta Fortuna K.E.-ren eskutik garatu den ur-jaialdiaren joko-sustapenaren arduretan ibili bait dira.

 

Jadanik, aurreikusita zeunden Donostialdeko 751 umeetatik gehiengoak azaldu dira ordu bateko txandetan antolatuak eta joko-posta batetik bestera ibili dira gozatzen; eta gure ikasleek bai ur-kanpoan bai ur-barruan lan bizia, gertua eta hezitzailea garatu dute. Maiatzan izango dugu ikasturte honetako bigarren eta azken benjamin ur-jailadia.

SAK: EASO Politeknikoaren kudeaketa sistema

2013-03-20

SAK akronimoa
EASO Politeknikoa bere kudeaketa sistema berritzen ari da. Sistema sinple, arin eta kontaritu baten alde egin dute apostu. Honek, Lanbide Heziketako Euskal Agentziaren interesa piztu du eta bere blogean sistemaren nondik norakoak azalduz artikulu bat argitaratu dute. Esteka honetan irakur dezakezu.

Aho eta hortz higienean sentsibilizazio kanpaina

2013-03-13

ikasle bat ahoko pierzinek eragiten dituzten arriskuak erakusten duen posterrarekin

Aho eta Hortz Higienea heziketa zikloko 1. mailako ikasleek poster batzuk egin dituzte Osasun-Hezkuntza irakasgaian, alkoholak, elikadurak eta piercing-ak aho-hortz higienean duten eragina erakutsiz eta azalduz.

Lan honen helburua EASO Politeknikoko ikasleen artean sentsibilizazio kanpaina bat burutzea izan da.

Bi poster ikastetxeko atarian daude, euskaraz eta erdarazko azalpen- eta hedapen-foileto batzuekin batera eta beste biak 1. eta 2. solairuko paretetan txintxilikatuta.

Sarrera irakasleentzat

Sarrera ikasleentzat

© EASO Politeknikoa
Telefonoa: 943455422 | Fax: 943470022 | idazkaria@easo.eus