ES | EU
Gobierno Vasco

Twitter Aurkezpenak SlideShare-n linkedIN  Irudiak Flickr-en RSS icon Youtube kanala

Anatomia patologikoa eta zurgintza eta altzarigintzaren arteko elkarlana

  • 2018-03-15 |

Ikasleak praktikan zurgintzako tailerrean
Anatomia Patologikoa eta Zitodiagnosia heziketa zikloko ikasleek praktika batzuk egin dituzte zurgintza eta altzarigintzako tailerrean. Helburua diagnosiak egin ahal izateko neurri egokia duten laginak lortzea da. Beste ekintza batzuen artean ebaketa batzuk burutu dituzte eskuzkoa eta elektroeramangarria den zerraz (dremel). Bi orduz aritu dira 1 mm-ko lodierako piezak lortzeko. Saiakuntza bikaina.

Hegaztiak eraztuntzeko praktikak Gorbean

2018-03-09

Ikasle baten argazkia txotia askatzeko unean

Hegazti eta txoriak eskura dauzkagun animalia ederrenetakoak dira. Hauen populazioak eta migrazio mugimenduak hobe ezagutzeko eraztunak jarri ohi zaizkie. Gorbeako Natur Parkean, Hegabera Eraztuntze Taldearen eskutik, eraztuntzearen inguruko azalpen teorikoak jaso eta eraztuntze saio erreal batean parte hartu zuten Ingurumen Hezkuntza eta Kontrola zikloko ikasleak.

Aukera bikaina faunaren azterketa eta jarraipena egiteko teknikak bertatik-bertara ezagutzeko.

Larrialdietako ikasleek osasun materiala Greziara

2018-03-05

parte hartu duten ikasleen taldea

Easo Politeknikoko Osasun Larrialdiak zikloko bigarren mailako ikasleek desfibriladore bat eta osasun materiala bidali dute Atenas hiriaren erdialdean dagoen Eleonas errefuxiatu kanpamendura.

Ikasenpresa proiektuaren barruan, LagunTES enpresa sortu eta pultserak salduz desfibriladorea lortu dute. Material sanitarioa lortzeko, aldiz, boletoak saldu eta kontzertu solidario bat antolatu zuten abenduan DOKAn, Reitx, Yo soy ciervo, Rock Kam Broom eta Lauroba taldeekin. Honez gain, DHL-ek dohainik bidali du materiala Eleonas kanpamendura. Mila esker proiektu hau posible egin duzuen guztiori.

Bizikletaz ere segurtasunez mugitzen

2018-03-01

Donostiako Udalaren Higikortasun Departamentuarekin dugun ohiko kolaborazioaren ondorioz gure mendiko ziklo ertainak aukera izan du “Bizikletaz ere errepidetik segurtasunez” formakuntzan kopartaidea izateko eta baita ere ikastetxe pilotua izendatzea geroago probintzian aurrera eramateko.

Formakuntza “1bici +” metodologiarekin eman zen Bikehability anglosaxoian oinarrituta eta Txita enpresak emanda. Bideo honetan ETB-n ikusitakoa dago.

"Guía Técnica de Agentes Cancerígenos y Mutágenos"-ren aurkezpenean

2018-02-23

Mahaiaren argazkia

Lan Arriskuen Prebentzioa zikloko ikasleek, INSSBTk otsailaren 8an antolatutako “Guía Técnica de Agentes Cancerígenos y Mutágenos” gida berriaren aurkezpenean parte hartu zuten.

Bertan, agente kantzerigeno eta mutagenikoak arautzen dituen 665/1997 Errege dekretuaren gida eguneratua eta zaharraren arteko ezberdintasunak, eta Europar batasunetik epe laburrean datozen aldaketak azaldu zituzten. Horrela ikasleek arrisku kimikoak ikasgaian jasotzen dituzten ezagutza osatu ahal izan zituzten, lan merkatura guztiz formazio eguneratuarekin iritsi ahal izateko.

Sarrera irakasleentzat

Sarrera ikasleentzat

© EASO Politeknikoa
Telefonoa: 943455422 | Fax: 943470022 | idazkaria@easo.eus