ES | EU
Gobierno Vasco

Twitter Aurkezpenak SlideShare-n linkedIN  Irudiak Flickr-en RSS icon Youtube kanala

Haur Hezkuntza Bihotz Inguru baso eskolan eta Bizilore eskola aktiboan

  • 2018-02-13 |

ikasleak basoan oinez

Haur Hezkuntza bigarren mailako ikasleek Bihotz Inguru basoeskola eta Bizilore eskola aktiboa, hurrenez hurren, ezagutu zituzten otsailaren 6an eta 7an.

Eskola horien arduradunek azaldu eta erakutsi zizkiguten beren hezkuntza proiektu berritzaileak. Benetan interesgarria izan zen ikusi eta ikasi genuena, izan ere haur hezkuntza ulertzeko moduak erabateko berrikuntza ekartzen digu.

Ondorio hauek nabarmenduko genituzke bi proiektuetan: lehena, haurra dela bere ikaskuntzaren protagonista nagusia eta bigarrena, helduaren eta hezitzailearen papera ondoan ibiltzea eta laguntzea dela, espazioa, denborak eta baldintzak antolatuz.

Zurgintzako ikasleak Valentziako Fimma & Maderalia azokan

2018-02-10

Standaren argazkia jendeak bisitatzen duen artean

Diseinua eta Altzari-hornikuntza goi mailako zikloko ikasleak eta erdi mailako 2. ikasturtekoak altzarigintzarako, zurgintzarako eta dekoraziorako makineriaren, erreminten, materialen eta osagaien Nazioarteko Azokara joan dira.

Bertan, departamentuak muntatu duen standa ikusi ahal izan dute, zeinetan woodtektura proiektuan egindako egitura erabili den eta altzarien diseinuko lehiaketako sariak ikusgai jarri diren.

E(m)PACT: europear proiektua osasun zikloetan

2018-02-05

partehartzaileen talde argazkia

Easo Politeknikoko, Miriam Aguado, Olatz Esnal eta Koldo Olaskoaga irakasleak Portugaleko Santarem-en hirian daude, K202 Erasmus+ proiektu europarrari jarraipena emateko.

E-(m)PACT proiektu berritzaile bat da, zeinak simulazio teknikaren eralbilpena bultzatzen duen, ziklo sanitarioetako ikasleen ikasketa prozesuan. Proiektu honetan hainbat herrialdetako ikastetxeek hartzen dute parte, hala nola, Errumania, Turkia, Herbehereak, Danimarka eta Portugal.

Proiektua Europar Batasunak kofinantziatu du.

SketchUp Lehiaketa 2018

2018-01-31

lehiaketaren kartela

Aurtengo ikasturtean ere EASO Politeknikoko  eraikuntza eta obra zibileko departamenduak SketchUp lehiaketa abian jarriko duela adierazi nahi dizuegu. Lehiaketa 3. eta 4. DBH eta batxilergoko ikasleei dago zuzenduta, eta egin beharrekoa etxebizitza baten diseinua da.

Izen ematea egin ondoren partaide bakoitzari bidaliko zaion txantiloia eta lehiaketaren oinarrietan (web honetan daudenak) azaltzen diren baldintzak bete beharko ditu.

Datak:

  • Izen ematea: otsailaren 5etik otsailaren 16ra formulario honetan.
  • Lana entregatzeko epea: apirilak 20 
  • EASO Politeknikoan proba: maiatzaren azkenengo hamabostaldian. 

 

Urtarrilak 28 – Datu Babesaren Eguna Europan

2018-01-28

primera diapositiva de la presentación

Datu Babesaren Europako Eguna Europako Batzordeak, Europako Kontseiluak eta Europar Batasuneko estatu kideetako Datu Babesaren arloko autoritateek sustatutako jardunaldia da. Bere helburua herritarren artean datu babesaren inguruan dauzkaten eskubideei eta erantzukizunei buruzko ezagutza hedatzea da.

Hau EASO Politeknikoaren agendan dagoen gaia da, izan ere, guganako konfiantza duten pertsonei buruzko datuak babesteko daukagun betebeharraz gain, gai hau eskaintzen ditugun heziketa zikloetan zeharkako eduki gisa txertatzeko erantzukizuna daukagu, profesional berriek beren betebeharrak ezagut ditzaten.

Gure eginkizunetako bat ikastetxeko irakasleak prestatzea da eta horretarako heziketa-modulu segida bat sortzen ari gara. Haietako bat, datuei eta pribatutasunari buruzkoa, gaur partekatu nahi dugu gure Slideshare kontuan.

Sarrera irakasleentzat

Sarrera ikasleentzat

© EASO Politeknikoa
Telefonoa: 943455422 | Fax: 943470022 | idazkaria@easo.eus