ES | EU
Gobierno Vasco

Twitter Aurkezpenak SlideShare-n linkedIN  Irudiak Flickr-en RSS icon Youtube kanala

Osakidetzako errekurtsoen aurkezpen motibagarria

2018-12-10

Parte hartzaileak

Abenduaren 3an, Osasun Larrialdietako ikasleek Osakidetzak ohiko eta ezohiko larrialdietan erabiltzen dituen errekurtsoak ikusteko aukera paregabea izan zuten. Horien artean, ibilgailu espezializatuak eta kanpainako ospitale bat.

Horretaz gain, Fernando Garcia Varak, Prebentzio Antolamendu eta PGSS Oinarrizko Bizi Euskarriaren arduraduna, hitzaldi interesgarria eta motibagarria eskeini zuen, Osakidetzako larrialdietako organigrama eta errekurtsoen erabileraren inguruan.

Prebentzioko ikasleak SUESKOLAn

el grupo frente a las instalaciones de Su Eskola

Azaroaren 28an, Lanbide Arriskuen Prebentzioa zikloko 2. mailako ikasleek Ordiziako SUESKOLAn suak itzaltzeko oinarrizko ikastaroa burutu zuten, su baten aurrean lehenengo esku-hartzea aurrera eramaten ikasteko.

Esperientzia oso positiboa eta aberasgarria izan zen, benetako suaren aurrean su-itzalgailuekin eta mangerekin praktikak egin baitzituzten eta kearen eta beroaren aurrean nola jokatu ikasi baitzuten.

Simulakroen eguna larrialdietako ikasleentzat

2018-11-28

Collage de varias imágenes tomadas durante los simulacros

Pasa den astean, osasun larrialdietako ikasleek egun berezia izan zuten, egun osoan zehar han eta hemen ibili baitziren simulakro desberdinetan parte hartzen.

Goizean, Getariako Malkorbe hondartzan, Blas de Lezoko urpekaritza ikasleekin elkartu eta lau simulazio egin zituzten. Elkarlanean gogotsu ibili ziren eta esperientzia aberasgarria izan zen, beste taldeen jarduerak ezagutu eta koordinazioa lantzeko.

Xabier Lizarrondok dioenez “Nire kasua egin arte hotzez geratu nintzen baina esperientzi polita izan zen”. Euripean eta hotz handia jasan beharra izan zuten baina honen aurrean ez ziren kikildu eta gustura ibili ziren. Julen del Barco ikasleak ere hotza aipatzen du “Hotza egin arren, esperientzia polita izan zen eta oso pozik nago kasua ongi atera zitzaigulako”.

Eguna ondo amaitzeko, gauez eraso terrorista baten simulakroan hartu zuten parte biktima moduan ETS, Euskotren, Larrialdiak, SOS Deiak, Suhiltzaileak, Ertzaintza, Udaltzaingoa eta DYA-koekin.

Larrialditako 4 ikasle Dinamarkan E(m)pact proiektu europarraren eskutik

2018-11-20

Parte hartu duten ikasleak eta irakaslea Dibnamarkako eskolaren aurrean

Osasun Larrialdietako 4 ikasle eta irakasle bat Silkeborgen (Danimarka) egon dira astebeteko mugikortasunean Erasmus+ E(m)PACT proiektu Europarraren barnean. Bertan, Turkia, Portugal, Errumania, Holanda eta Danimarkako ikasle eta irakasleekin gogotsu aritu dira lanean.

Aurrerapauso garrantzitsua izan da proiektuari dagokionez, izan ere, ikasleen lehen mugikortasun honi esker teorian ikasitakoa praktikan aplikatu dugulako. Fredericia Simulazioa zentrora bisita egin zen eta bertako instalazioetan praktikak burutu ziren. Esperientzia paregabea ikasle eta irakasleentzat.

Hurrengo geltokia ikasleekin.. Holanda!

Prebentzioko ikasleak IX. Laneko Psikosoziologia Jardunaldietan

2018-11-19

El grupo de alumnos y profesores frente al Euskalduna en Bilbao

Lan Arriskuen Prebentzioa zikloko ikasleek Osalanek azaroaren 14an antolatutako IX. Laneko Psikosoziologiaren Jardunaldietan parte hartu zuten. “Lehen mailako esku-hartzea arrisku psikosozialen kudeaketan: langileen ongizate integral handiagoa” izan da mintzagaia aurtengo saioan.

Ikasleak psikosoziologia lan arriskuen prebentzioaren baitan hartzen ari den pisuaz jabetu dira, eman diren azken urrats eta esperientzien berri izatearekin batera.

Sarrera irakasleentzat

Sarrera ikasleentzat

© EASO Politeknikoa
Telefonoa: 943455422 | idazkaria@easo.eus