ES | EU
Gobierno Vasco

Twitter Aurkezpenak SlideShare-n linkedIN  Irudiak Flickr-en RSS icon Youtube kanala

EASO Politeknikoa Uraren Nazioarteko Egunarekin bat

  • 2017-03-29 |

foto del grupo participante en la visita

Aurten Uraren Nazioarteko Egunak hondakin-urak du gai modura eta Ingurumen Hezkuntza eta Kontrol zikloko ikasleak Loiolako hondakin-uren araztegia bisitatzera joan gara. Bertan, gure etxeko komun eta arraskatik botatzen dugun ur kutsatuak eta kaleko zein industriako urek, itsasora isuri ahal izateko jasaten duten garbiketa prozesua ezagutu dugu. Araztu ondoren lortzen den egoerak, ura 1200m-ko luzera duen itsas-emisarioaren bidez isurtzea baimentzen du, gure itsaso maiteari kalterik egin gabe.

Modan dauden komuneko toallita horiek zergatik ez diren komunetik bota behar ikusi dugu. Ez eman jaten munstroari!

Iurretako Ertzaintzara irteera

2017-03-18

talde argazkia bisitaren amaieran, ikasleak, irakasleak eta ertzainak.

Martxoaren 16an, osasun arrialdietako eta kiroletako ikasleak eta irakasleak irteera bat egin zuten elkarrekin. Iurretako Ertzainen postua ezagutzera joan ziren eta bertan lan egiten duten erreskate talde desberdinak ezagutzeko aukera izan zuten.

Hasteko, azalpen txiki bat eman zuten, erreskate talde desberdinak aipatuz eta banan-banan bakoitzaren eginkizunetan sakonduz. Azalpena amaitzean galderen txanda izan zen, non ikasleek zein irakasleek zituzten dudak argitzeko aukera izan zuten.

Ondoren helikopteroarekin praktika ikusgarri bat eskaini zuten aireko erreskate taldekoek, non helikopteroa lurrean jarri gabe pertsona bat estruktura batetik hartu eta beste gune batean utzi zuten. Ikusgarria benetan.

Jarraian, uretako erreskate taldekoen txanda iritsi zen. Igerileku batean erabiltzen zituzten tresneri eta metodo desberdinak erakutsi zituzten.

Amaierarako, ikasleei gehien gustatu zitzaien taldea utzi zuten. Azken hau, lurreko erreskate taldea izan zen eta beraien txakurrekin etorri ziren. Bertan, azalpen baten ondoren, txakurrak nola entrenatuak zituzten ikusteko aukera izan zuten. Eta erakusketaren ondoren praktika bat egin zuten, non pare bat ikasle ezkutatu ondoren txakurrak askatu eta hauek segundu gutxi barru aurkitzen zituzten. Gerora, txakurrei mimoak emateko unea iritsi zen. Ikasleak, hauek ukitu eta beraiekin argazkiak ateratzeko aukera izan zuten.

Haur hezkuntzako tailerretan izena emateko epea zabalik

2017-03-17

tailerraren logoa

Bosgarren urtez jarraian EASO Politeknikoko Gizarte Zerbitzuetako departamentuak Haur Hezkuntzako Tailerrak antolatu ditu. 2017ko apirilaren 25a eta maiatzaren 4a bitartean izango dira, 17:30etatik 20:45etara.

Ekimen hau, zein haur hezkuntzaren alorreko profesionalentzako neurrira prestatutako asmoz sortua izan baitzen, urtez urte sendotu egin da eta orain arteraino eduki duen erantzunak antolatzen jarraitzeko kemena ematen digu. Gaur egunean, jardunean dabiltzan profesionalez gain, ikasleek ere parte hartzen dute.

Departamentuak hezkuntza kidegoarentzat interesgarri izan daitezkeen gaiak eta berritasunak ekartzeko ahalegina egiten du. Aurten, adibidez, neuropsikologiaren gaiari eta aurkikuntza berriek haur hezkuntzaren arloan daukaten eraginari helduko diogu, eta baita konfiantzaren metodologiari edo haurrek paira dezaketen babesgabetasunari ere, beste batzuen artean.

30 orduko ikastaro hau Eusko Jaurlaritzak homologatua da eta joan den urtean eduki zuen harrera edukitzea espero da. Behin behineko programa hemendik deskarga dezakezu eta izena formulario honen bidez eman.

Prebentzioko ikasleak eskorga jasotzaileen ikastaroan

2017-03-16

Ikasle bat eskorga bat gidatzen besteek nola egiten duen ikusten duten artean

Martxoaren 13 eta 14-an EASO Politeknikoko Lanbide Arriskuen Prebentzioa goi-mailako zikloko 1. mailako ikasleak, eskorga jasotzaileak erabiltzeko ikastaro kreditatuan izan ziren, zentroan jasotzen duten prestakuntza osatzeko asmoz.

Ikastaroa TeknoDidaktika-k eman zuen eta irakaslea EASO Politeknikoko prebentzioko zikloko ikasle ohi bat izan zen, gaur egun lan arriskuen prebentzioan prestaketa ematen du eta baita eskorga jasotzailearen arriskuan inguruan ere. Ikasleak bi orduko prestakuntza teorikoa ikastetxean jaso ondoren, makinen alokairuko enpresa batera joan ziren eta han, sei orduz, eskorga jasotzaile ezberdinak erabiltzeko aukera izan zuten.

Balorazioa oso positiboa izan zen, izan ere, aukera izan zuten zentroan eskuragarri ez dauden makina batzuekin harreman zuzena izateko. Eta aldi berean lan ibilbiderako titulazio osagarri bat lortzeko.

Revel-eko Lycée des métiers d'art, du bois et de l'ameublement-era bisita

2017-03-07

foto de profesores participantes consultando un plano en el taller

Juan Carlos Alonsok eta Antton Otegik, EASO Politeknikoko altzarigintza eta zurgintza lanbide familietako irakasleak, eta Elena Fabrak, nazioarteko proiektuen arduraduna, Lycée des métiers d'art, du bois et de l'ameublement bisitatu dute. Ikastetxe hau Revel hirian dago, Haute-Garonne izeneko departamenduan, Toulousetik 50 Kmtara. Altzariaren munduarekin zerikusia duten ikaskuntzak ematen soilik aritzen da eta ondoko herrian espezialitate honetako bigarren ikastetxerik garrantzitsuentzat jotzen da.

Bistaren helburua, ikastetxea eta bertan burutzen diren jarduerak ezagutzeaz gain, elkarlan dinamika bat sortzea zen, elkarrekin landu beharreko proiektuak abian jartzeko, hala arlo akademikoan, nola gure ikasleek enpresetan egin beharreko prestakuntzari dagokionean.

Ikastetxeak ebanisteria, tapizgintza, marketeria eta altzariak zaharberritzeko espezializazioak dauzka. Hauek ezin dira Euskal Herrian ikasi. Hortaz, elkarlan hau gure ikasleentzat oso onuragarria izan daiteke, prestakuntza-aukera berriak zabaltzen baitizkie.

Maiatzean Reveleko institutuko ikasle eta irakasle talde batek bisita itzuliko digu, gure ikastetxea ezagutzeko asmoz.

 

Sarrera irakasleentzat

Sarrera ikasleentzat

© EASO Politeknikoa
Telefonoa: 943455422 | Fax: 943470022 | idazkaria@easo.eus